fbpx

Талат Џафери ги распиша локалните избори, ќе се одржат на 17 октомври

-

Претседателот на Собранието на РСМ, Талат Џафери вчера ги распиша локалните избори во земјава, кои е предвидено да се одржат на 17 октомври. Изборната кампања за избор на новите состави на општинските совети и новите градоначалници на општините и Градот Скопје ќе започне три недели пред денот на изборите.

Инаку, собранискиот спикер ги распиша локалните избори денеска, бидејќи од распишувањето на изборите до денот на гласањето треба да има минимум 70 дена, а максимум 90 дена, при што во овој период настапуваат обврските на Државната изборна комисија која треба да го подготви Роковникот за спроведување на изборните активности.

Главното неодговорено прашање пред одржувањето на изборите е што ќе се случи со спорните измени на Изборниот законик. Пратениците се веќе на одмор, па прашањето е дали ќе успеат да ги донесат законските измени во текот на септември.

Инаку, измените на Изборниот законик предизвикаа негативни реакции во земјава, поради поставениот праг од два отсто од гласачите во општинскиот избирачки список за независните кандидати. Според овие законски измени, за некој независен кандидат да може да влезе во изборната трка на претстојните локални избори ќе требаше да собере два отсто од гласачите. Па така, за да може независен кандидат да настапи на изборите во Градот Скопје, наместо сегашните 1.000 потребни потписи, на независните кандидати би им биле потребни над 9.000 потписи.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Средба Џафери – Зеленски во Тирана: Потпишана заедничка изјава за евроатлантските интеграции на Украина

Претседателот на Владата Талат Џафери, во рамки на работната посета на Република Албанија, се сретна со претседателот на Украина, Володимир Зеленски. На средбата присуствувале и министерот за надворешни работи,...