fbpx

Тајфунот во Јапонија одзеде 70 животи, се трага по 12 лица

-

Спасувачите во Јапонија и денеска работат со крајни залагања, трагајќи по 12 лица што уште се водат како исчезнати по ударот на тајфунот во саботата. Последиците по градбите и инфраструктурата се огромни, а досега е потврдена смртта на речиси 70 лица.

Силните ветришта и обилните врнежи од дожд што ги донесе тајфунот предизвика бројни поплави и лизгања на земјиштето.

Хагибис во саботата најсилно удри во областа што се наоѓа јужно од Токио. Ветриштата достигнувале брзина до 216 километри на час, но главното уништување е предизвикано до огромните врнежи на дожд.

Најмалку 176 реки се излеале од своите корита. Многу од супербрзите возови „шинкансен“ биле поплавени во депоата, а водата досегнувала до прозорците. Меѓу загинатите се и седум членови на екипажот на товарен брод, што потонал во Токискиот залив во саботата вечерта.

Во централните и северните делови на Јапонија невремето беше пропратено со обилни дождови и силен ветар.

До утрово околу 34.000 домаќинства се сè уште без струја.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

(АНАЛИЗА) Наплата на даноци и трошоци за плати и комуналии во 2023: Струга, Тетово, Чаир и Скопје

„Договорни услуги“ во износ од стотици илјади евра, платите и придонесите доминантна трошковна ставка во буџетите на локалните власти. Во второто продолжение на „Анализа“ се претставуваат податоци за приходите...