Околу 160 светски лидери денеска ќе присуствуваат на 70. заседание на Генералното собрание на ОН, на кое поради јубилејот присуствуваат голем број претседатели, кралеви и премиери.
Свое обраќање ќе имаат претседателите на САД, Барак Обама, на Русија, Владимир Путин, на Кина, Кси Ѓинпинг, на Иран, Хосни Рохани, германската канцеларка Ангела Меркел, францускиот претседател Франсоа Оланд, како и македонскиот премиер Никола Груевски.
Генералната дебата ќе ја отвори генералниот секретар на ОН, а по него ќе говорат претседателите на Бразил и на САД. Главни теми годинава се окончувањето на војната во Сирија, спротиставувањето на екстремизмот на Блискиот Исток и во Африка, соочувањето со големиот бран бегалци од Сирија, Ирак, Јемен и од Авганистан.
На маргините на самитот се одржуваат стотина билатерални средби, а со особено внимание се очекуваат разговорите на Обама и на Путин.
