Големиот снег и студот го парализираа источниот и централниот дел на САД, каде повеќето згради на централните власти денеска се затворени во Вашингтон, во очекување на нов поларен бран.
Вашингтон денеска осамна со снег поради што е забавен сообраќајот, додека многу министерства се затворени.
Снежната бура Октавија, која го зафати источниот американски брег, донесе ниска температура која погоди околу 50 милиони Американци, а околу 1.800 летови се откажани.
Метеоролозите најавија дека новиот студен бран ќе пристигне утревечер.