Стапката на невработеност во Германија во септември е на историско минимално ниво, а економијата и понатаму е во пораст, покажуваат денеска објавените статистички податоци.
Месецов стапката на невработеност изнесува 6,4 отсто, што е на иста вредност како и во август. Тоа најниска стапка откако Западна и Источна Германија се обединија во 1990 година, објави националниот завод за статистика.
Бројот на лицата кои се регистрирани како невработени во Германија во моментов е 2,795 милиони.
