Edhe bota edhe ne në Maqedoni kaluam nëpër periudhë me turbulenca, por edhe krahas krizës politike mirë është që e ruajtëm stabilitetin ekonomik, tha lideri i VMRO DPMNE-së në urimin e tij për Vitin e Ri.
“Secili prej Jush, në vitin e ri hyn me planet dhe problemet personale dhe familjare, me dëshira dhe sfida personale. Çdo individ i ka qëllimet e veta, për të cilat të mos harrojmë para së gjithash nevojitet shëndet i mirë. Prandaj, më lejoni secilit prej jush t’u uroj të ketë shëndet të mirë, ta ndjek fati, të ketë qetësi në shpirt, të japë dhe të marrë dashuri më shumë se kurrë më parë dhe t’i realizojë qëllimet dhe planet e projektuara”, theksoi lideri i VMRO-DPMNE-së.
Pas formimit të Qeverisë, shtoi ai, duhet të punohet në planin ekonomik, reformat në të gjitha fushat si dhe realizimin e prioriteteve strategjike për anëtarësimin e Maqedonisë në NATO dhe BE.
“Duhet të mposhten përpjekjet për ndikim nga jashtë, synimet e të cilëve janë të huaja e jo interesa tona, të shtetit dhe qytetarëve” tha lideri i VMRO DPMNE-së më tej.
Kreu u partisë në pushtet qytetarëve u dëshiroi shëndet dhe lumturi si dhe realizimin e planeve në jetë.
