Kristian Danielson, drejtori i përgjithshëm për zgjerim në Komisionin Evropian, në intervistë për rrjetin e internetit, “Europian Western Balkans” shprehi shqetësim për sulmin e armatosur në Kumanovë dhe tha se rasti duhet hetuar  që të mos vihet deri në përshkallëzim të tensioneve në vend.

“Jam shumë i shqetësuar për atë që ndodhi në Kumanovë. BE dënon çdo formë të dhunës dhe dua të shpreh ngushëllimet e mija për familjes e personave që i kanë humbur jetët- tha Danielson në intervistë.

Ai njëkohësisht porositi që mos të shpërqendrohet fokusi nga kriza serioze politike në Maqedoni dhe partitë të angazhohen për dialog konstruktiv politik. Danielson konsideron se duhet të ketë përgjegjësi politike që të mund të kthehet besimi tek institucionet ndërsa të gjitha pohimet për parregullsi të mundshme potenciale, sipas tij, duhet hetuar në mënyrë transparente dhe të pavarur.