Policia nuk ka kursyer shok bombat, për të zmbrapsur emigrantët në zonën mes Greqisë dhe Maqedonisë. Sipas policisë, arsyeja e përdorimit ka qenë për të ruajtur kufirin në bazë të autorizimeve që kanë, duke mos lejuar valën e mijëra emigrantëve që tentonin hyrjen në territor.
Nga pamjet nuk vërehet qartë se si ka nisur përplasja por duket vetëm kulmi kur mijëra emigrantë nuk dinë nga të ikin prej plumbave të gomës dhe gazit lotsjellës, i shpërndarë gjithandej. Mësohet se nga goditjet e plumbave të gomës janë lënduar disa emigrantë. Në të dy anët e hekurudhës Selanik-Shkup, policia ka vendosur një tel me gjemba të gjatë 300 metra për të penguar hyrjen e emigrantëve. Është aktivizuar edhe ushtria.
Zëdhënësi i MPB-së Ivo Kotevski për “Meta tha se ballafaqohen me fluks të madh të emigrantëve të cilët tentojnë të futen në vend nga Greqia. Sa emigrant janë gjithsej ende nuk mund të thuhet.
“Policia e cila është renditur në kufi i përdor të gjitha mjetet e lejuara ligjore që të ndaloj çfarëdo hyrje ilegale të shtetasve të huaj në territorin e Maqedonisë” deklaroi Kotevski.
Qeveria e Maqedonisë dje shpalli gjendje krize dhe mbylli kufirin jugor për emigrantët.
