Советот за безбедност на Обединетите нации вечерва ќе одржи гласање за нацрт-резолуцијата со која се повикува на воведување остри санкции кон Северна Кореја, јавува „Ројтерс“.
Минатата недела пред членките на Советот за безбедност беше претставена резолуцијата која е договорена со Кина, а со која значително би се заостриле санкциите против Северна Кореја откако таа држава изведе нуклеарно и балистичко тестирање.
Нацрт-резолуцијата предвидува најстроги санкции кои ОН ги вовеле кон Северна Кореја во последните две децении.
Северна Кореја на 7 февруари лансираше ракета со долг дострел со сателит, што соседите на таа држава и САД го критикуваа како обид за тестирање балистичка ракета.
