Собранието на Република Македонија денеска ќе го одржи првото продолжение на 61. седница, на чиј дневен ред се предлог-законите за изменување и за дополнување на законите за безбедност на храната, за производи за заштита на растенијата, за семенски и саден материјал за земјоделски растенија, за угостителска дејност, за минерални суровини, сите по скратена постапка.
Пратениците ќе ги разгледаат и предлог-законите за изменување и за дополнување на законите за трговија, за вршење занаетчиска дејност, за превоз во патниот сообраќај, за градење, за животна средина, за безбедност и здравје при работа, за работните односи, за минимална плата во Република Македонија, за пензиското и инвалидското осигурување, за спортска академија, за филмската дејност, сите по скратена постапка.
На дневен ред се и предлог-законите за изменување на законите за вработувањето и за осигурување во случај на невработеност и за здравственото осигурување, по скратена постапка, како и предлог-законот за изменување и за дополнување на Законот за постапување со бесправно изградени објекти, по скратена постапка, поднесен од група пратеници.
