Швајцарските правосудни претставници денеска соопштија дека на САД им ги испорачале претставниците уапсени во рамки на американската истрага за корупција во Светската фудбалска федерација (ФИФА).
Швајцарската федерална канцеларија не ги објави имињата на испорачаните претставници.
Извори на агенцијата „Ројтерс“ минатата недела соопштија дека Џефри Веб, поранешен потпретседател на ФИФА и претседател на фудбалската организација за Јужна и за Централна Америка, се согласил да биде испорачан во САД за да се соочи со обвиненијата за корупција.
„Првиот од седумте претставници на ФИФА кои се во притвор во Швајцарија, на 15 јули е испорачан на САД“, се наведува во соопштението на правосудните органи.
Во соопштението се додава дека тој е предаден на тројца американски полицајци во Цирих и сите отпатувале за Њујорк.
