Сообраќајот на граничниот премин Евзони, на македонско-грчката граница, и денеска, шести ден по ред е блокиран во двата правца поради протестот на грчките земјоделци, кој почна на 30 јануари.
Од Автомото-сојузот на Македонија соопштија дека премините Дојран и Меџитлија се отворени за сообраќај.
Од АМСМ информираат дека на патиштата е намалена видливоста поради појава на магла и тоа: во Струмица 100 – 200 метри, Велес до 50 метри, Неготино до 100 метри, Демир Капија до 200 метри, Удово до 100 метри, Гевгелија до 50 метри, Скопје – Катланово и акопска обиколница 10 – 15 метри.
Сообраќајот на државните патишта се одвива во зимски услови по на места влажни коловози. Од АМСМ препорачуваат исклучително внимателно возење, прилагодена брзина на движење и почитување на поставената сообраќајна сигнализација.