Австрискиот министер за финансии, Ханс Јерг Шелинг, рече дека шансите за постигнување нов договор за помош на Грција е 60 спрема 40, пренесува австриската новинска агенција АПА.
Шелинг изјавил дека соодносот може да се смени само ако Грција обезбеди гаранции за примена на реформите.
– Ако нема гаранција, тогаш тој сооднос нема да се смени – рече Шелинг за Радио ОРФ.
Министрите за финансии на еврозоната денеска во Брисел ќе ја разгледуваат оцената на Европската комисија, Европската централна банка и на Меѓународниот монетарен фонд во врска со предлозите на Атина за економските реформи.