Седницата на Советот за јавни обвинители, на која зад затворени врати требаше да се расправа за работењето на Катица Јанева, нема да се одржи.
Таа е одложена за 27 јануари, а според информациите на медиумите, откажувањето е поради болест на претседателот на Советот.
На оваа седница требаше да се дискутира за предавањето на материјалите на Зоран Заев и за тоа зошто не е направен записник. Исто така, на седницата требаше да се разговара и околу планот на Јанева за годишен распоред за работа.