Рускиот министер за вонредни ситуации, Владимир Пучков, денеска изјави дека сè уште не е пронајдена црната кутија, ниту каков било аудиозапис од рускиот авион „ту-154“ кој вчера се урна во Црно Море.
– Сè уште не сме ја пронашле – рече Пучков на прес-конференција.
Рускиот авион се урна вчера во Црно Море, во близина на Сочи, а никој од 92 патници не преживеа.
Меѓу настраданите има и 64 члена на познатиот ансамбл „Александров“ и девет новинари.
Рускиот министер за транспорт, Максим Соколов, изјави дека не станува збор за терористички напад, туку дека најверојатно технички проблем или грешка на пилотот е причина за несреќата.
