Од средата, 6 март, се врши отповикување на чоколаден бар „Милка Орео“ од 37 грама, извести Агенцијата за храна и ветеринарство (АХВ).
Отповикувањето го врши операторот со храна ТД Нелт СТ ДООЕЛ, која воедно е и увозник и дистрибутер на чоколадото, додека производител е компанијата „Mondelez Polska Production SP Zoo“.
Причината за отповикување, според АХВ, е „присуство на пластични фрагменти“.
Серискиот, односно лот бројот на проблематичниот чоколаден бар е OSK0934652, со рок на употреба до 18.08.2024 година.
