„Специјално за Специјално Јавно Обвинителство“ е нова неформална граѓанска платформа, која е организирана за поддршка на работата и на функционирањето на Специјалното јавно обвинителство како институција што ќе помогне за да се врати и да се подобри владеењето на правото во Република Македонија.
„Специјално за СЈО е автономно тело составено од граѓани на Република Македонија кои како носител на суверенитетот на државата се првите повикани да воспостават владеење на право во државата. Специјално за СЈО ќе организира настани и реакции со една цел – зголемување на поддршката за оваа институција, како и лобирање и директно помагање на работата и на функционирање на институцијата. Специјално за СЈО ќе се бори против сите пречки и опструкции за непречено функционирање на СЈО“, се вели во соопштението од граѓанската платформа.
