Поради системот на Никола Груевски, а според податоците на Светска банка, од Македонија си заминале повеќе од 600.000 граѓани, најголем дел млади, обвини СДСМ.
„Системот на Никола Груевски донесе голем економски пад, сиромаштија, блокирани фирми, нееднаквост, партизирани институции, нефункционален здравствен систем, недемократски амбиент, задушени слободи и права на граѓаните. Секоја трета фирма во Македонија е со блокирана сметка. Тоа се повеќе од 21.000 домашни фирми, кои поради системот на Груевски не можат да работат. Единствени „отворени врати“ во „системот“ на Никола Груевски има за криминалот и за корупцијата во врвот на власта, кој со години цвета, а партизираните институции воопшто не постапуваат“, пишува во соопштението на опозицијата.
Од СДСМ додаваат дека хибриден режим е најдобра дефиниција за системот на Груевски, кој ја уназади Македонија.