САД сметаат дека е автентична видеоснимката на Ал Каеда на Арапскиот Полуостров, на која организацијата ја презема одговорноста за нападот на францускиот магазин „Шарли ебдо“, соопшти американскиот Стејт департмент.
Портпаролката на Стејт департментот, Мари Харф, изјави дека американските претставници веруваат дека видеоснимката е автентична, но дека се утврдуваат специфичните аспекти на тврдењата на групата кои се изнесуваат во снимката.
– Веруваме дека снимката е дело на медиумското крило на Ал Каеда на Арапскиот Полуостров. Го анализираме секој дел од снимката: дали постојат идеолошки насочувања? Или пари? Дали има обучување? Тоа се специфични тврдења кои ги преиспитуваме така што не ја потврдуваме автентичноста на секој дел од снимката – рече Харф.
