Заменик-министерот за надворешни работи на Русија, Сергеј Рјабков, изјави дека сè уште нема договор за испорака на противвоздушниот систем „S -300“ на Иран.
Претходно шефот на иранската дипломатија, Хусеин Амир-Абдолахаин, рече дека наскоро може да се очекува испорака на руското оружје на Техеран.
Русија во 2010 година ги замрзна плановите за испорака на системот „S-300“ на Иран поради санкциите на ОН, но во април годинава претседателот Владимир Путин ја тргна забраната за извоз на оружје.
Ваквиот чекор наиде на остри критики во САД и во Израел.
