fbpx

Русија не го прогласи доларот за невалидно платежно средство

-

Се пропушта контекстот кога се тврди дека Русија го прогласила доларот за невалидно платежно средство.Во Русија има недостаток на долари во кеш, поради што го има ограничено лимитот на долари коишто може да се вадат од банките. Инаку,  во Русија и пред воената инвазија платежната валута што можеше да биде користена во платниот промет беше рубљата, односно во менувачници може да се заменат доларите за рубљи и потоа да се купува, пишува „Вистиномер“ во својата анализа.

Текстот подолу го пренесуваме во целост:

 

 

Рецензираме пост објавен на социјалната мрежа Фејсбук во кој се вели:

Русија го прогласи доларот за невалидно платежно средство… тоалет…. Бегајте од злото.

На 29 ноември 2022 година, агенцијата Тасс, објави дека девизниот курс за размена на рубљата во 2023 година ќе остане стабилен, а доларот можно е да достигне 66 до 67 рубљи, повикувајќи се на економистот Ендри Клепач.

Инфлацијата ќе се намали за 5 проценти. Во иднина и до 4 проценти. Во исто време девизниот курс на рубљата ќе биде стабилен, со 66 до 67 рубљи за еден долар догодина, изјавил тој.

Сите плаќања во Русија се вршат преку локалната валута, рубљата. Трансакции во евра или долари не се дозволени, но секогаш може да се плати со кредитна или дебитна картичка, прифатлива речиси секаде во Санкт Петербург и Москва, како и ширум државата.

Во март 2022 година Централната банка на Русија им забрани на државјаните на Русија да купуваат долари со рубљи во наредните шест месеци. Како што пишуваше Вашингтон Пост, Централната банка на Русија, исто така, тогаш ја ограничила сумата што државјаните може да ја повлекуваат од банките на 10 илјади долари.

Секој што сака да повлече повеќе од таа сума, остатокот над десетте илјади долари, ќе мора да го извлече во рубљи, информирала тогаш Централната Банка на Русија.

Според Банката на Русија ограничувањата за купување девизи остануваат на сила до 9 март 2023 година.

Како и досега, преостанатите средства (над 10 илјади долари н.з) може да се подигнат во рубљи по девизниот курс утврден од банката. Странската готовина може да се подигне во американски долари или евра, без оглед на валутата на сметката или депозитот. Банката на Русија мора да ги зачува споменатите и други ограничувања за готовина во странство поради санкциите донесени против Русија кои им забрануваат на руските финансиски институции да купуваат готовина од западните земји, се вели на страницата на Банката на Русија.

Американската амбасада во Москва извести дека на 9 март 2022 година, Централната банка на Русија известила дека сопствениците на сметки со странски валути, вклучително и американски долари, ќе може да повлекуваат до 10 илјади долари во странската валута, во периодот од 9 март до 9 септември 2022. Ним им е дозволено да користат и да поседуваат странски сметки на кои има долари, да ставаат странски валути на својата сметка и да извлекуваат пари во рубљи во износи поголеми од 10 илјади долари.

Со оглед на тоа што во Русија и пред воената инвазија платежната валута којашто можеше да биде користена во платниот промет беше рубљата, односно во менувачници може да се заменат доларите за рубљи и потоа да се купува, не е вистинa дека Русија го прогласила доларот за невалидно платежно средство. Во Русија им се дозволува на луѓето да извадат до 10 илјади долари од своите сметки доколку им се депонирани во истите во таа девиза.  На банките во Русија им е дозволено да им продаваат на руските државјани американски долари, ако тие долари се примени во банките после 9 април 2022 година.

Има рестрикции и за фирмите регистрирани во Русија, коишто може да извадат само по 5 илјади долари во кеш за покривање на трошоци за бизнис цели.

Од крајот на јуни, руските државјани имаат дозвола во странство – надвор од Русија, да префрлат до 1 милион долари месечно од нивните сметки во руските банки.

Рестрикциите со западните валути почнаа на 9 март 2022 година како одговор на Русија на забраната од САД и ЕУ да се извезуваат долари и евра во Русија. Како резултат на тоа, Русија има недостаток на долари и евра во кеш.

Поради сите горенаведени факти сметаме дека во постот што го рецензираме се пропушта контекстот. Русија не го прогласи доларот за невалидно платежно средство, туку има недостаток на долари во кеш, поради што го има ограничено лимитот на долари коишто може да се вадат од банките.

hubmk

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Законот за реорганизација на министерствата го поддржаа 88 пратеници, меѓу кои и од ДУИ

Не е вистина дека за измените на Законот за организација и работа на органите на државната управа, предложен од Мицкоски, гласале 81 пратеник и дека истиот не добил поддршка...