Рускиот премиер Дмитриј Медведев денеска потпиша декрет со кој се забранува увоз на храна од Турција и се забрануваат чартер-летовите меѓу двете земји.
Економското ембарго доаѓа како одговор на тоа што турските воени авиони минатата недела го урнаа рускиот авион „су-24“ на територија на Сирија.
Со забрана на чартер-летовите, руските власти велат дека ќе ги контролираат закажаните летови меѓу Русија и Турција.
„Да се забранат чартер-летовите меѓу Русија и Турција, освен специјалните летови за враќање на туристите што останале во земјата, како и да се преземаат дополнителни мерки кои имаат цел да осигураат безбеден авионски транспорт со редовните летови од Турција“, стои во соопштението на руската влада.
