Регионалната конференција „Дијалог за отворено владино партнерството во Западен Балкан – 2015“ се одржа во главниот град на Албанија.
Собирот го иницираа државниот министер за јавна администрација и иновација, Милена Харито, и Институтот за демократија и медијација од Тирана.
На конференцијата се анализираше и се дебатираше за потребата од отворена власт, која треба да биде приоритет во секоја држава во регионот на Западен Балкан, доколку се почитува принципот на демократија и на отеченост на политичките елити.
Учествуваа високи претставници на владите и на парламентите на земјите од Западен Балкан, од амбасадите на САД и на ЕУ во Тирана, претставници на граѓански организации од Македонија, Албанија, Србија, Хрватска, Косово, Романија, Црна Гора.
– Македонското друштво „Илинден“ од Тирана, исто така, имаше забележително учество на оваа регионална конференција – вели преседателот Никола Ѓурѓај, кој воедно беше и претставник на македонското малцинство во Албанија на овој собир.