Европската комисија и тројцата европратеници, Ричард Ховит, Едвард Кукан и Иво Вајгл, со заедничка изјава го поздравија договорот и порачаа дека „одблиску ќе ја следат имплементацијата во наредните месеци“.
Во септември ќе се одржи нов дијалог на високо ниво (ХЛАД), платформа воспоставена од претходниот комесар за проширување, Штефан Филе, и во него ќе учествуваат потписниците на договорот и граѓанското општество, информираа Кукан, Вајгл и Ховит.
Договорот го поздрави и словачкиот министер за надворешни работи, Мирослав Лајчак, кој е еден од најактивните министри на ЕУ на Балканот и добар познавач на регионот, како поранешен европски претставник на Косово.
Тој на „Твитер“ напиша: „Денешниот договор значи свежа надеж, добредојден и потребен поттик за Македонија. Сите страни и ЕУ-посредниците заслужуваат пофалби за нивната заложба.“
Today’s agreement means fresh hope,welcomed & needed impetus for #Macedonia.All parties & EU mediators deserve praise for their commitment.
— Miroslav Lajčák (@MiroslavLajcak) July 15, 2015
Честитки пристигнаа и од поранешниот министер за надворешни работи на Шведска, Карл Билт, кој твитна дека договорот „би требало да ја олесни интеграцијата на Македонија“.
Наредната недела ќе се одржи совет за стабилизација и асоцијација помеѓу ЕУ и Македонија и нов состанок на министрите за надворешни работи на ЕУ во Брисел, на кој, исто така, се очекува да се поздрави постигнатиот договор.
Agreement in Skopje on pathway to new elections and new government after @JHahnEU mediation. Should facilitate integration of Macedonia.
— Carl Bildt (@carlbildt) July 15, 2015
