По распламтувачката пропаганда на српскиот министер за одбрана и претседател на Српската напредна партија Милош Вучевиќ кон С.Македонија и Црна Гора, со реакции излегоа високи државни функционери од земјава, Црна Гора и Албанија.
Македонскиот министер за надворешни работи Бујар Османи реагираше по изјавата на Вучевиќ, при што на социјалната мрежа X напиша дека земјава ги отфрла мешањето и несоодветните изјави на официјални лица од соседните земји.
„Ние се залагаме за регионална стабилност и соработка, вклучително и со Србија и Косово. Се чека појаснување од министерот за одбрана на Србија“, напиша министерот Бујар Османи.
North Macedonia rejects interference and unsuitable remarks from neighboring officials. We stand for regional stability and cooperation, including with Serbia and Kosovo. Awaiting clarification from Serbia’s Defence Minister.
— Bujar Osmani (@Bujar_O) August 21, 2023
По реакцијата на Османи, српскиот министер за одбрана наместо да испрати извинување кон С.Македонија за мешањето во внатрешнополитичките и надворешнополитичките прашања на земјава, Вучевиќ влезе во препукувања со Бујар Османи на социјалната мрежа X.
Despite all the malicious and ill-founded media reporting, #Serbia acts as a responsible, reliable and predictable partner to all our neighbors. Our support for the territorial integrity of all UN member states is unconditional. Yet we cannot praise anyone’s disrespect for our… https://t.co/6lyyCB8rdM
— Милош Вучевић (@milos_vucevic) August 21, 2023
„И покрај сите злонамерни и неосновани медиумски известувања, #Србија делува како одговорен, доверлив и предвидлив партнер на сите наши соседи. Нашата поддршка за територијалниот интегритет на сите земји-членки на ОН е безусловна. Сепак, не можеме да пофалиме ничие непочитување на нашиот сопствен територијален интегритет. Неодамнешните настани ги докажаа нашите предупредувања дека #Kosovo* UDI не е случај од sui generis и дека ќе им се удри по глава порано или подоцна. Никој во Србија не се фали за тоа, само ги кажува фактите“, напиша српскиот министер Вучевиќ.
Македонскиот премиер Димитар Ковачевски синоќа имаше средба со српскиот претседател Александар Вучиќ, по што Ковачевски на својот профил на Фејсбук напиша дека во разговорот Вучиќ го уверил оти тој ги смета македонскиот народ и македонската држава за исклучително пријателски и дека доколку некој македонски граѓанин е навреден од било која порака од српската држава, Вучиќ лично ќе се извинел.
И црногорскиот претседател Јаков Милатовиќ реагираше по изјавата на српскиот министер за одбрана, потенцирајќи дека обидот за мешање на странски актери во формирањето на новата црногорска влада е неприфатливо.
Милатовиќ потенцираше дека избраниот нов состав на црногорскиот парламент е израз на волјата на граѓаните и граѓанките на Црна Гора, кои се носители на сувереноста на државата. Тој дополни дека очекува формирањето на новата влада да биде втемелено на слободно изразената волја на граѓаните и граѓанките на парламентарните избори, како и на програмските приоритети кои ќе овозможат забрзување на членството на Црна Гора во ЕУ.
На изјавата на српскиот министер за одбрана реагираше и албанскиот премиер Еди Рама, кој оцени дека заканите за стабилноста и територијалниот интегритет на С.Македонија и Црна Гора се опасни и неприфатливи и истакна дека „голема Европа “ е единствената иднина на трите земји.
Рама го потсети Вучевиќ дека Албанија, Црна Гора и С.Македонија како земји-членки на НАТО се целосно посветени на меѓусебната безбедност и територијален интегритет.
Threats against the stability and integrity of North Macedonia and Montenegro are dangerous and unacceptable. Let’s not forget that Albania, North Macedonia and Montenegro are NATO allies fully dedicated to the security and territorial integrity of one another. We have achieved…
— Edi Rama (@ediramaal) August 21, 2023
Реакциите на високите државни функционери од регионот доаѓаат откако српскиот министер за одбрана рече признавањето на Косово ќе им се удри од глава на С.Македонија и Црна Гора.
„Дали нашите пријатели во Северна Македонија спијат мирно? Дали спиете мирно? Тие мислат дека се во НАТО Алијансата и дека си ги решиле проблемите… Ова е мантра и на Црна Гора и на Северна Македонија. Кога станаа членки на таа колективна безбедност, односно на НАТО Алијансата, мислат дека си ги решиле сите проблеми и дека веќе ништо не може да им се случи. Мора да погледнете она што е во историјата, да ги разберете малку другите околности и да разберете што се случува во нивниот двор. Ние не сакаме да ја водиме нивната политика, тоа е прашање за нив. Но, можеме да констатираме дека 25 проценти од Албанците имаат 50 проценти од власта во Северна Македонија. Ако е „ок“ за Македонците, „ок“ е и за нас, само очигледно ќе имате политика која нема да ја гледаат Македонија како своја земја“, изјави српскиот министер за одбрана Вучевиќ.
