Барањето на опозицијата за формирање техничка влада е апсурдно, оцени албанскиот премиер Еди Рама во својата неделна видеопорака, објавена на неговиот официјален профил на „Фејсбук“.
Тој истакна дека единствена цел на Демократската партија е да го блокира процесот на проверка и оти протестот претставува своевиден чадор кој треба да ги заштити корумпираните политичари и судии.
Рама инсистира што е можно побргу да почне спроведувањето на судските реформи за да се ослободат Албанците од корупцијата.
Во однос на изборите, тој вели дека демократијата не сопира никого, ниту обврзува да учествува на изборите и дека опозицијата е производ на слободата. Тој порача дека никој не треба да се плаши дека Албанија ќе остане без опозиција.
Демократската партија веќе 45 дена протестира и бара формирање техничка влада, која ќе осигури слободни и фер избори.
