Рускиот претседател Владимир Путин ги обвини САД за мешање во работите на ФИФА и оти се обидуваат да го спречат реизборот на Сеп Блатер за петти претседателски мандат на чело на светската фудбалска федерација.
Путин синоќа, на националната руска телевизија, рече дека апсењето на седум челници на ФИФА во Цирих врз основа на обвиненија од САД е „јасен обид да се блокира реизборот на Блатер за претседател“.
Обвинителството во Швајцарија покрена и посебна истрага за доделувањето на светскиот куп на Русија за 2018 година и на Катар за 2022 година.
Путин рече дека е свесен оти Блатер е под притисок поради неговата поддршка за Русија да биде домаќин на светското првенство.