Околу 23.000 лица денеска со собраа во Минхен на протест против одржувањето на самитот на шефови на држави и на влади на Групата седум најразвиени земји (Г7), закажан за 7 и за 8 јуни на југот на Германија, соопшти германската полиција.

Организаторите на собирот се симпатизери на германската партија на Зелените, а демонстрантите носеле голем транспарент на кој било испишано „Спасете ја климата и борете се против сиромаштијата“.

Самитот на Г7, кој го сочинуваат Велика Британија, Франција, Канада, Германија, Италија, Јапонија и САД, ќе биде одржан во замокот Елмау, на 100 километри од Минхен.