Утре ќе има протестен марш во Скопје, на кој семејствата на 14-те жртви кои изгореа во пожарот во тетовската модуларна болница ќе побараат правда за изгубените животи, пишува Portalb.mk.
Протестниот марш ќе започне во 14 часот од плоштадот „Скендербег“ и ќе заврши пред зградата на Основното јавно обвинителство, кое според членовите на семејството „замижало пред правдата и ги штити одговорните за трагедијата каде 14 лица беа изгорени живи“.
„Апелираме до граѓаните на Скопје и другите градови да нè поддржат во потрагата по правдата, а апелираме до политичките партии да се држат настрана од злоупотреба на нашиот протест за политички придобивки“, рече Мумин Исмаили, кој ја загуби својата мајка во пожарот.
