Голем портрет со ликот на претседателот на ВМРО-ДПМНЕ, Никола Груевски, денеска беше обоен во боите на „Шарената револуција“, пред зградата во која се наоѓа домот на поранешниот премиер.
Таму и заврши протестот, кој денеска прослави мал јубилеј – еден месец од првиот ваков собир (на овој линк е визуелно прикажана хронологијата на протестите од 12 април до денеска).
Пред домот на Груевски, демонстрантите обоија голем портрет со неговиот лик #протестирам #шаренареволуција pic.twitter.com/m6UpvXqmX3
— META.mk (@meta_agency) May 12, 2016
Пред домот на поранешниот премиер зборуваше Сања Лукаревска, која рече дека повеќе од 630.000 млади, образовани, прогресивни луѓе се отселија од државата, а 600 милиони евра се потрошиле на проектот „Скопје 2014“.
– Секој ден пешачам со вас од еден до друг барок. Десет години земаа од мојата младост, од вашата младост, нè шиканираа и нè дискриминираа по секоја основа, а сето тоа кулминираше со срамната аболиција. Десет години пиштиме и вриштиме од нивните репресивни политики. Секој втор граѓанин има блокирана сметка. Доста беше, ќе се избориме за својата слобода – рече Лукаревска.
Демонстрантите го обоија објектот на Пазарната инспекција #протестирам #шаренареволуција pic.twitter.com/rMMEl77rju
— META.mk (@meta_agency) May 12, 2016
Демонстрантите претходно ја обоија зградата и на пазарната инспекција. Тие носеа транспаренти на кои пишуваше „Извршители наместо инвеститори ни дишат во врат“, „Пазарната инспекција ја сотре пазарната економија“ и „Газиме врз стравот“.
Граѓаните се движат кон објектот на Пазарната инспекција #протестирам #шаренареволуција pic.twitter.com/pMYota9CJN
— META.mk (@meta_agency) May 12, 2016
