Спасувачите на местото на судирот на два воза на југот на Германија, во кој загинаа 10 лица, денеска ги пронајдоа двете црни кутии и траат по третата.
Министерот за сообраќај, Александер Добринт, изјави дека кутиите веројатно го содржат одговорот за причината за несреќата. Тој на прес-конференција во градот Бад Ајблинг во Баварија, во близина на несреќата, опиша сцена на хаос каква што затекнал.
– Таму глетките се ужасни. Беше шокантно да се види како два воза се сплескале и еден се забил во друг – рече министерот.
Тој додаде дека возовите сигурно се движеле со голема брзина, како и дека на тој дел од пругата максималната дозволена брзина изнесува 100 километри на час.
Во несреќата загинаа најмалку 10 лица, а десетици се повредени, од кои девет се во критична состојба.
Од силината на судирот, еден од возовите излетал од шините, соопшти полицијата.
