Официјален Вашингтон повторно ќе иницира разговори со Москва за да се избегнат инциденти во воздушниот простор на Сирија, соопшти портпаролот на Пентагон, Петер Кук, додавајќи дека преговорите ќе се одржат во текот на викендов.
Продолжувањето на разговорите доаѓа откако Москва одговори на американските барања, руските авиони да ја избегнуваат рутата на дроновите и на авионите на коалицијата предводена од САД.
САД и Русија водат одвоени воздушни напади врз позиции на терористичката организација Исламска држава, која во последниве денови напредуваа кон периферијата на градот Алепо.
Руските власти, кои ги почнаа своите напади на 30 септември, соопштија дека досега се убиени стотици џихадисти.