Продажните цени на производителите на индустриски производи, во јули годинава се пониски за 1,2 отсто на месечно ниво, а за 3,8 проценти на годишно ниво, објави Државниот завод за статистика.
Во јули 2015 година, во споредба со минатогодишниот јуни, продажните цени на производителите на индустриски производи, вкупно, се пониски во секторот рударство и вадење камен за 2,5 проценти, во секторот преработувачка индустрија за 1,1 процент и во секторот снабдување со електрична енергија, гас, пареа и климатизација за 0,9 отсто.
Во јули годинава, во споредба со јули 2014 година, продажните цени на производителите на индустриски производи, вкупно, се повисоки во секторот рударство и вадење камен за 0,6 отсто и во секторот снабдување со електрична енергија, гас, пареа и климатизација за 1,2 отсто, а се пониски во секторот преработувачка индустрија за 4,6 проценти.
