Шефот на македонската дипломатија, Никола Попоски денеска во Париз учествува на подготвителниот министерски состанок за Самитот Париз-Балкан 2016, кој на 4 јули ќе се одржи во француската престолнина
Министрите на состанокот ќе известат за подготовките на своите земји за Самитот во Париз во областите на инфраструктурните проекти, како и за статусот на иницијативата за воспоставување Регионални канцеларии за млади.
На состанокот ќе се разговара и за актуелни политички теми, како што е миграцијата, безбедносните предизвици и регионалната соработка.
Покрај министрите за надворешни работи од земјите од Западен Балкан, на состанокот ќе учествува и министерот за надворешни работи и меѓународен развој на Франција, Зан Марк Еро.
На маргините на состанокот, како што соопштија од македонското МНР, Попоски ќе оствари повеќе билатерални средби.