Вработен во Министерството за внатрешни работи (МВР), синоќа околу 23 часот во полициската станица Чаир пријавил дека на неговото возило има поставено бомба.
Како што информираат од МВР, нивниот вработен пријавил дека од непознато лице била поставена бомба на бришачите од неговото возило, марка „алфа ромео“ со скопски регистарски ознаки, паркирано на улицата Костурска.
Од СВР Скопје велат дека експлозивната направа е дадена за вештачење и дека се преземаат мерки за расчистување на случајот.