Експлозијата на автомобил-бомба која одекна пред резиденцијата на претседателот на Сомалија усмрти пет војници, јавуваат локалните медиуми.
– Засега знаеме дека пет сомалиски војници загинаа во експлозијата, која се случи пред хотелот „Сомалиска младинска лига“, кој се наоѓа пред претседателската палата. Веруваме дека цел на нападот бил хотелот, во кој често престојуваат локални функционери. Бројот на жртви би можел да се зголеми – изјави полицискиот функционер Абдикадир Хусеин.
Екстремистичката група Ал шабаб, која е блиска до Ал каеда, соопшти дека стои зад нападот.