Околу 240 пензионери од земјава од престојниот викенд ќе престојуваат во Охрид, во рамките на проектот на Владата за бесплатен туристички викенд. Сместувањето е договорено во хотелите „Дипломат“, „Амбасадор“ и „Далјан“.
Втората група пензионери на охридското крајбрежје ќе престојуваат од 27 до 29 март, а третата ќе го искористи бесплатниот викенд од 3 до 4 април.
Со проектот „Бесплатен викенд за пензионерите“ се опфатени околу 3.000 лица кои се корисници на старосна, инвалидска или семејна пензија. За нив бесплатно се обезбедени два полни пансиони и автобуски превоз до Охрид, како и до Дојран и до Отешево.
Приоритет е даден на пензионерите што имаат понизок износ на пензии, лицата кои се подолго време во пензија, пензионерите кои пред пензионирањето работеле во рудници со подземен ископ и на пензионерите кои се корисници на инвалидска пензија со утврден повисок процент на инвалидност, односно повеќе од 80 отсто, лицата корисници на право на паричен надоместок за помош и нега од друго лице, додаток за мобилност и додаток за слепило.
