Неколку стотици граѓани денеска се собраа пред Собранието, како што велат, да изразат револт поради одлуката на претседателот Ѓорге Иванов да ги помилува Зоран Заев и Зоран Верушевски.
Организатор на протестот е Граѓанското движење за одбрана на Македонија ( ГДОМ ), а на импровизираната бина говореа актерот Тони Михајловски и аналитичарите Александар Пандов и Александар Даштовски.
Михајловски рече дека не може да има милост за најголемите крвници на Македонија, Заев и Верушевски.
Пандов пред граѓаните истакна дека тие не прават контрапротест туку само се собрани против одлуката за аболирање криминалци.
Протестот засега е мирен. На само неколку стотини метри сè уште трае протестот пред народната канцеларија на претседателот Иванов, а граѓаните бараат негова оставка.
