Евроамбасадорот Аиво Орав утре, во 15.15 часот, на претседателот Ѓорге Иванов ќе му го врачи извештајот на Европската комисија за напредокот на Република Македонија.
„Претседателот на Република Македонија, Ѓорге Иванов, утре ќе го прими амбасадорот Аиво Орав, шеф на Делегацијата на Европската унија во Република Македонија. На средбата, амбасадорот Орав на претседателот Иванов ќе му го врачи извештајот за напредокот на Република Македонија за 2015 година, подготвен од Европската комисија“, информираат од кабинетот на претседателот.
