fbpx

Општински советник од партијата на Курти меѓу петмина уапсени во Тирана за шверц на дрога

Советник на Албин Курти од Општина Приштина е еден од петте лица кои се уапсени во Тирана денес. Осомничените се обиделе да шверцуваат наркотици од Косово во Албанија, во вредност од околу 400.000 евра

-

Член од Советот на општина Приштина и припадник на партијата Самоопределување (ВВ) на косовскиот премиер Албин Курти е еден од петте лица кои се уапсени во Тирана денес. Осомничените се обиделе да шверцуваат наркотици од Косово во Албанија, во вредност од околу 400.000 евра. Полицијата пронашла 11.300 таблети екстази со тежина од 5.090 килограми, пренесоа косовските медиуми.

Според албанската полиција, Митхат Рамадани (30) и Бесник Мујеци (40) двајцата жители на Приштина и Калем Пицари (24), Амбра Мифтари (28) и Даниел Авдија (26) сите тројца жители на Тирана биле уапсени по повеќемесечна истрага во акцијата „Панишер 2“ во Тирана. Осомничените ја искористиле туристичка сезона за пренесување на наркотиците од Приштина до Тирана, преку автобуси и изнајмени возила.

Извори на KALLXO.com од државното обвинителство потврдија дека уапсениот Бесник Мујеци е член на партијата на Курти и според сознанијата на косовската истражувачка редакција е и акционер во локалното претпријатие „Автобуска станица“ во Приштина од јуни годинава.

„По пристигнувањето на пратките во Тирана, тие беа транспортирани со изнајмени автомобили во Тирана и други градови, главно крајбрежни, а местата за размена беа одредени на јавни места со многу движење и проток на луѓе. За да се договорат со дистрибутерите на синтетичка дрога во Албанија, шверцерите бараа авансни плаќања, па дури и оставање возила како гаранција“, рече директорот на локалната полициска управа на Тирана, Тонин Вочај на прес-конференција.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

НСЗР најавува штрајк доколку нема линеарно зголемување на платите

Правилно и законски да се исплати платата, согласно Законот за минимална плата, побара Независниот синдикат на здравствени работници на денешната прес-конференција. Независниот синдикат при КСОМ најави протести за време на...