Унгарија до 30 ноември ќе ја заврши изградбата на оградата долж границата со Србија, соопшти унгарскиот министер за одбрана Чаба Хенде.
Градењето на оградата на границата меѓу Унгарија и Србија почна на 13 јули, седум дена откако парламентот го усвои законот.
Локалните медиуми ја пренесоа изјавата на унгарскиот министер за внатрешни работи, Шандор Пинтер, кој рече дека оградата е привремено решение, но оти е единствен начин да се запре преливот на имигранти.
Тој додаде дека оградата е наменета и за контрола на нелегалното минување на границата и за борба против шверцот и трговијата со луѓе.
– Бегалците се заштитени, но илегалните имигранти нема да минат – рече Пинтер.