fbpx

Одложено судењето на Савески и на Куновски

-

Судењето на двајцата членови на Левица, Здравко Савески и Владмир Куновски, кое требаше да почне денеска, е одложено.

Причината за одложувањето е тоа што сè уште не е утврдена штетата на секој од обвинетите поединечно, а судот одби да се спојат предметите за овие инциденти.

„Остануваме во куќен притвор затоа што обвинителството е неажурно со утврдувањето на штетата врз канцеларијата на т.н. претседател. Како од злато да беа предметите внатре, па тешко да е да се утврди нивната вредност. И си истресле од ракав дека штетата била „околу“ 880.000 денари. Си наддавале за да надоместиме барем капка од огромните суми пари што ги имаат украдено од сите нас! Дотогаш, остануваме во куќен притвор. На досегашните 15 дена, уште минимум девет дена. Ама, им се ближи крајот. Им се ближи крајот на селективната правда и на двојните стандарди! Ќе победиме! За да имаме шанса да ја поставиме Македонија на здрави основи!“, напиша Савески на својот профил на „Фејсбук“.

Савески и Куновски  се обвинети за учество во толпа за време на демолирањето на народната канцеларија на претседателот Ѓорге Иванов.

Претходно, судот им одреди мерка куќен притвор и им ги одзеде пасошите.

 

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

(ВИДЕО) Денот на Општина Тетово се одбележа со отпадоци и со депонии

Денес се одбележа денот на Општина Тетово, а повеќе од една недела градот се гуши во отпадоци и депонии расфрлани насекаде. Решение за овој проблем немаат ниту општинските власти,...