Од почетокот на февруари ќе можеме да твитаме долги постови со дури 4.000 карактери, наместо сегашните 280, потврди извршниот директор на Твитер Илон Маск. Ова е само една од бројните промени која што милијардерот ја планира за годинава, пишува Индепендент.
Маск објасни дека долгите твитови „ќе го добијат истиот простор на екранот на временската линија како и другите твитови, но ќе можете да кликнете за повеќе“.
Easy swipe right/left to move between recommended vs followed tweets rolls out later this week.
First part of a much larger UI overhaul.
Bookmark button (de facto silent like) on Tweet details rolls out a week later.
Long form tweets early Feb.
— Elon Musk (@elonmusk) January 8, 2023
Но, долгите постови се само дел од „многу поголем ремонт на корисничкиот интерфејс“, кој ќе вклучува можност за лизгање помеѓу препорачаните твитови и оние твитови кои ги следите, како и функција за обележување на постови што ќе функционира како копче за „тивок лајк“.
„Исто така, ќе додадеме едноставни копчиња за уредување, на пример за задебелени букви, подвлечени букви и за големина на фонтот подоцна овој квартал“, напиша Маск на Твитер.
Целта е да им се дозволи на луѓето да објавуваат долга форма на Твитер, наместо да ги принудуваат да користат друга веб-страница. Твитер ќе продолжи да препорачува твитовите да бидат кратки.
