Од ноќеска на полноќ малопродажните цени на бензините ЕУРОСУПЕР БС-95 и ЕУРОСУПЕР БС-98, како и на ЕУРОДИЗЕЛ (Д-Е V) и на Екстра лесното масло за домаќинство (ЕЛ-1) се намалуваат за по 1 денар за литар, соопшти Регулаторната комисија за енергетика и водни услуги (РКЕВУ) согласно најновата одлука со која се врши намалување на цените на нафтените деривати во просек за 1,25 отсто.
Малопродажната цена на Мазутот М-1 НС се намалува за 0,99 денари за килограм и сега ќе изнесува 51,473 денари за килограм.
Од ноќеска на полноќ максималната цена на ЕУРОСУПЕР БС-95 ќе изнесува 84,5 денари за литар, додека на ЕУРОСУПЕР БС-98 ќе изнесува 87 денари за литар. Литар дизел од ноќеска ќе чини 97 денари, а Екстра лесното масло 93,5 денари за литар.
Од РКЕВУ додаваат дека курсот на денарот во однос на доларот во изминатиот период по кој беа формирани цените со претходната пресметка е повисок за 0,848 отсто.
