Израелскиот премиер Бенјамин Нетанјаху, го повика палестинскиот престедател Махмуд Абас на директни преговори со Израел.
Во неделата кабинетот на Нетанјаху издаде соопштение во кое е наведено дека повторно го повикува Абас да се врати на преговарачката маса и да покрене дипломатски процес.
Нетанјаху ќе отпатува во Њујорк на Генералното собрание на ОН додека се зајакнуваат меѓународните напори да се обноват израелско-палестинските мировни преговори.
Меѓутоа, претседателот на САД, Барак Обама, не ја спомна обновата на преговорите кога се обраќаше на Генералното собрание во понеделникот, но утре блискоисточната мировна четворка (САД, ЕУ, ОН и Русија) се очекува да одржи состанок на маргините на Собранието.
Нетанјаху в петок ќе се состане со државниот секретар на САД, Џон Кери, а еден ден претходно со генералниот секретар на ОН, Бан Ки-мун, и со нив ќе разговара за конфликтот со Палестина.
Палестинскиот претседател Абас на Генералното собрание на ОН ќе се обрати в среда. Тој претходно најави дека ќе приреди изненадување на крајот на својот говор, не навлегувајќи во детали.
