Вооружен напаѓач пукал на група посетители на историската тврдина во Дербент, во руската република Дагестан, усмртувајќи едно лице и ранувајќи 11 лица, соопштија извори од Министерството за здравство.
Во вооружениот напад, кој се случил синоќа, повредени се 12 лица, од кои едно починало, јавува агенцијата „РИА Новости“.
Четири лица се во критична состојба. Новинската агенција „Интерфакс“ јави дека туристите биле локални жители во посета на тврдината Дербент, кога неидентификуваниот напаѓач отворил оган од околната шума.
Меѓу посетителите имало и двајца граничари, од кои еден е убиен во нападот. Во тек е потрага по напаѓачот.
Локалната полиција одбила да го коментира нападот.
