Најмалку едно лице загинало, а 32 се повредени, од кои 10 сериозно откако комби удри во група пешаци на улица во близина на плоштадот „Каталуња“ во центарот на Барселона, јавуваат светските медиуми.
Шпанската полиција потврдила дека инцидентот го третира како терористички напад.
Властите апелирале граѓаните да го избегнуваат тој дел од градот и да не ги напуштаат своите домови, а побарано е и затворање на трамвајските и на метро-страниците.
По нападот луѓето на плоштадот „Каталуња“, почнале да се засолнуваат во околните продавници и кафулиња.
JUST IN: At least one dead and 32 injured in #Barcelona van attack, Catalonia official says https://t.co/DZhNLAETG4 pic.twitter.com/GzYStUDrF5
— CNN (@CNN) August 17, 2017
Полицијата сè уште трага по возачот на комбито, кој побегнал откако удрил во групата луѓе на улицата Ла Рамбла.
Инаку, улицата Ла Рамбла и плоштадот „Каталуња“ се меѓу најпопуларните места во Барселона, кои дневно ги посетуваат илјадници турсти.
Шпанскиот премиер Мариано Рахој изјавил дека е во контакт со властите во Барселона и дека во моментов најважно е згрижувањето на повредените.
Американскиот државен секретар Рекс Тилерсон изјавил дека САД се подготвени да и помогнат на Шпанија.
„Заедно со сојузниците, САД се одлучи да ги пронајдат терористите и да ги изведат пред лицето на правдата“, изјавил Тилерсон.
https://www.youtube.com/watch?v=IRBLRFjfnRY
