Белгискиот државен секретар за азил и за миграција, Тео Франкен, потврди дека во Брисел денеска е уапсен Салах Абдеслам, водачот на терористичките напади во Париз.
Абдеслам најпрво бил ранет, а потоа и уапсен во драматична полициска акција во Моленбек, предградие на Брисел кое е засолниште на исламистите.
Белгискиот премиер Шарл Мишел и францускиот претседател Франсоа Оланд заедно го напуштиле состанокот на лидери на ЕУ за мигрантската криза и разговарале за полициската операција.
