fbpx

МНР реагира на некористењето на уставното име од страна на новата локална власт во Штип и Аеродром

-

Министерството за надворешни работи (МНР) реагираше на некористењето на уставното име на земјава на конститутивните седници на Советите на општина Штип и општина Аеродром, односно при потпишувањето на свечената изјава од страна на новоизбраните советници.

Министерството укажува дека според законите за ратификација на Преспанскиот договор и за уставните измени од јануари 2019 година, уставното име на државата е Република Северна Македонија и сите државни институции и единици на локалната самоуправа се должни да го почитуваат Уставот на Република Северна Македонија и да ги усогласат сите акти кои ги донесуваат со Уставот.

„Министерството за надворешни работи, следејќи ги ваквите појави по завршувањето на локалните избори и при конституирањето на определени совети во општините, повикува на доследна примена на уставните одредби во согласност со Преспанскиот договор, имајќи предвид дека непочитувањето на Уставот и на ратификуваните меѓународни договори сериозно го нарушува меѓународниот углед на државата и го поткопува правниот поредок на Република Северна Македонија“, порачува македонското МНР, истовремено повикувајќи ги надлежните институции, а особено Министерството за локална самоуправа, соодветно да реагираат согласно нивните надлежности.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Поради предизборни митинзи, утре и во недела изменет режим на сообраќај во Скопје

Поради одржување на митинзи од изборната кампања за претседателските избори, овој викенд ќе биде воведен изменет режим на сообраќај во Скопје, информираше попладнево Министерството за внатрешни работи (МВР). Поради партиски...