Голем број трактори, кои пристигаат на масовниот протест на произведувачите на млеко, најавен за денеска, во текот на ноќта го парализираа Брисел, а главните сообраќајници се затворени.
Белгиските млекари, кои протестираат поради ниската цена на млекото, планираа да донесат 5.000 трактори, а доаѓањето на првата група машини веќе предизвика затворање на главните тунели и авении што водат кон центарот на градот.
Млекарите бараат да им се вратат субвенциите и да се ограничи увозот на млеко, откако белгиската влада, повикувајќи се на прописите на ЕУ, постепено ги запре дотациите за фармерите и го отвори пазарот за увоз на евтино млеко од странство, што доведе до поевтинување на млекото за околу 25 отсто.